تدري وش اللي يجرح القلب جرحين
ويمد حبل الحزن فيك ويشده
انك تناظر طفل من غير ابوين
يمشي ودمعه سايل فوق خده
منظر صعيب ويقسم القلب قسمين
لاقام يمسح دمعه بكف يده
يمشي ولايدري طريقه علي وين
لين التعب من كثر ما تاه هده
اثقل حروف يشيلها فيه حرفين
لااب يدري به ولا ام ترده
في خطوته رحله ودمعه وسكين
وحظ توسد بالمراسي مخده
جيت اساله بالله قلي ولد مين؟
وابغى يجاوب واختنق صوت رده
انا يتيم وما لدربي عناوين
وجزر الحزن فيني يساوي لمده
وطعم الطفولة ماعرفته لهالحين
وثوب السعاده صرت مانيب قده
ابكي الي من شفت غيري سعيدين
لين البكا فيني يوصل لحده
واقفى ورحت امسح دموعي من العين
وعيني تناظر دمعته فوق خده
هذا هو اللي يجرح القلب جرحين
ويمد حبل الحزن غصب ويشده
مما راق لي__
تدري وش اللي يجرح القلب جرحين
رد: تدري وش اللي يجرح القلب جرحين
رد: تدري وش اللي يجرح القلب جرحين
[align=justify]
[/align]
