العناية بالشعر والبشرة جميع مايتعلق بالبشرة والشعر من وصفات ومكياج وتسريحات

 
أدوات الموضوع
قديم(ـة) 03 / 09 / 2011, 10 : 12 PM   #1
 
صورة ام سفياان الرمزية

 
الملف الشخصي:
تاريخ التسجيل: 17 / 10 / 2009
رقم العضوية: 1214
المشاركات: 21,669
التدوينات: 1
آخر تواجد: 27 / 02 / 2014 38 : 08 AM

تقييم العضو:
قوة التقييم: 61

ام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقا


المزاج
أحبكم


الأوسمة

ام سفياان غير متصل
هام دروس عناية ببشرتك وشعرك من الألف الى الياء






حلم كل امرآه فى كل فترة من فترات حياتها

لأن احساسك بالجمال يعطيكى ثقة اكتر بنفسك


وبسهولة اوى ممكن تكونى جميلة وتحققى حلمك

كل ما عليك فعله هو الانتباه لنفسك وتخصيص بعض الوقت لرعاية مظهرك


الأمر لا يتطلب سوى القليل من المعرفة وبعض الوقت

و هذه الدوره

مصممة خصيصا لتظهر لكى بالضبط كيف تكونى جميلة فى ليلة العمر وكل ايامك الجاية ان شاء الله

ولأننا نسعى وراء كل ما هو طبيعى وسهل وفعال

فهنا هقدم وصفات سهلة وبسيطه مجربة وغير مكلفه ..وهتوصلك للنتائج المطلوبة بإذن الله فى اقصر وقت ممكن

مع بعض نصائح جمالية تزيدك جمال وثقة


و هديتى لكم مجموعة من الكريمات والشامبوهات واللوسيونات الطبيعية المجربة والسهلة التحضير


دروس الدورة مقسمة كالأتى :


1-العناية ببشرة الوجه
- حبوب الشباب
- سكراب
- ترطيب و نضارة
- تفتيح البشرة
- القضاء على الرؤؤس السوداء بالأنف ( الزيوان )
- القضاء على الهالات السوداء
- شفاه ناعمة ووردية
- اسنان بيضاء



2- العناية ببشرة الجسم

أ- ازالة شعر الجسم
. القضاء على مشكلة النقط السوداء بالرجل ونمو الشعر تحت الجلد
. نصائح وماسكات قبل شيل الشعر
. نصائح اثناء الشيل
. نصائح وماسكات بعد الشيل




ب- الخطوط البيضاء
.وصفة للقضاء على الخطوط البيضاء




ج- السيلوليت
.وصفة مجربة للتخلص من السيلوليت



د- الحمام المغربى
. اهم ادواته وطريقة تحضيره
. طريقة الأستخدام


هـ - الدلكة السودانية
. الدلكة السوداء .. مكوناتها وطريقة الأستخدام
. الدلكة البيضاء .. مكوناتها وطريقة الأستخدام


و - خاص بمنطقة الأبط
. القضاء على رائحة العرق بطريقة طبيعية
. ماسكات تفتيح الأبط
. ماسكات ترطيب وتنعيم


ز -خاص بالمنطقه الحساسه
. ماسكات تفتيح
. تعطير المنطقه
. نصائح ووصفات للعناية اليومية والأسبوعية والشهرية بالمنطقه



3- العناية باليدين والقدمين والأظافر
. وصفات تفتيح اليدين والقدمين
. التخلص من خشونة وتشققات الكعبين
. وصفات ترطيب
. ازالة الزوائد الجلدية بأظافر اليد والقدم




4- العناية بالكوعين والركبتين
. صنفرة لأزالة طبقات الجلد الميت بالكوع والركبة
. ترطيب
. تفتيح




5-العناية بالشعر
. كثافة وطول للشعر
. ترطيب الشعر
. القضاء على القشرة
. وقف التساقط
. خلطة حناء خاصة




6- قسم خاص بالكريمات والشامبوهات واللوسيونات الطبيعية المجربة والسهلة التحضير



الوصفات والكريمات اللى هتقررى تنفذيها هيكون على حسب النتيجه اللى بتسعى ليها

منقووول

المشتاقة للكعبة معجبة بهذا.

انشري في صفحتك على فيس بوك! انشري في تويتر!
عرض البوم صور ام سفياان  
قديم(ـة) 03 / 09 / 2011, 11 : 12 PM   #2
 
صورة ام سفياان الرمزية

 
الملف الشخصي:
تاريخ التسجيل: 17 / 10 / 2009
رقم العضوية: 1214
المشاركات: 21,669
التدوينات: 1
آخر تواجد: 27 / 02 / 2014 38 : 08 AM

تقييم العضو:
قوة التقييم: 61

ام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقا


المزاج
أحبكم


الأوسمة

ام سفياان غير متصل
رد: دروس عناية ببشرتك وشعرك من الألف الى الياء

الدرس الاول

(( العناية ببشرة الوجه ))

حتى تحققى عناية ناجحه ببشرتك لابد ان تكونى على معرفة تامة بنوع بشرتك وطرق العناية الخاصة بها

فإذا كانت بشرة وجهك دهنية فاكتر مشكلة تواجه البشرة الدهنية انه مع زيادة افراز الدهون نتيجة النشاط الزائد للغدد الدهنية بالجلد تلتصق الأتربة على الدهون وتتكون الرؤوس السوداء وحب الشباب الذى هو بالأصل عبارة عن رواسب دهنية كذلك بتلاحظى وجود مسام واسعة ودهون ملحوظه حول الأنف والبشرة عامة بتكون لزجة وبها لمعة زيتية غير محببة

طريقة العناية الخاصة بالبشرة الدهنية :-
- تغسل البشرة 3 مرات يوميا
- استخدمى عصير الليمون او ماء الورد المركز كأفضل مادة قابضة للمسام لتقليل افراز الدهون وتراكمها على البشرة
- الحرص على عمل حمام بخار مره كل 15 يوم للتخلص من الرواسب الدهنية والرؤوس السوداء ومنع تكوينها



البشرة الجافة
نتيجة لضعف نشاط الغدد الدهنية بها ونقص افرازها للدهون الطبيعية بمعدلها الطبيعى بتلاحظى وجود خشونة بالبشرة وحساسية شديدة لأى منتج تجميلى .. فلابد ان يكون المنتج طبيعى ولا يحتوى على مواد كيميائية

طريقة العناية الخاصة بالبشرة الجافة :-
- غسل الوجه مرة واحدة باليوم بصابون مناسب للبشرة الجافة ويفضل صابون الغار او صابونة الأطفال بالجلسرين
وإذا كانت بشرتك شديدة الجفاف ابتعدى تماما عن الصابون ونظفى بشرتك باللبن مضاف اليه ماء ورد فقط
- اغسلى وجهك بالماء الفاتر او البارد مع تنشيف الوجه مباشرة لأن وجود الماء على الوجه حتى يجف يزيد من جفاف البشرة


البشرة المركبة او مختلطه
وفيها بيكون هناك مناطق جافة ومناطق دهنية بالوجه

طريقة العناية الخاصة بالبشرة المركبة :-
- استخدمى ماء ورد او عصير الليمون لقبض المسام فى الأماكن الدهنية فقط
- ترطيب الأماكن الجافة باستمرار
- اثناء تنظيف البشرة ركزى اكتر على الأماكن الدهنية اكتر من الجافة ببشرتك



البشرة العادية

وفيها الغدد الدهنية تفرز بمعدلها الطبيعى المعتدل والبشرة تبدو ناعمة غير خشنة و لامعه غير زيتية وليس بها رؤوس سوداء او مسام واسعة او حب شباب
ولكن اكيد بشرتك العادية محتاجه عناية للحفاظ على جمالها ونضارتها

طرق العناية الخاصة بالبشرة العادية :-
- غسل الوجه مرتين فقط فى اليوم
- لا تعرضى بشرتك للصابون زيادة عن اللازم
- استخدام مستحضرات تجميل طبيعية للحفاظ على جمالها وعدم تعرضها للالتهابات



ودلوقتى بعد تحديد نوع بشرتك وطريقة تعاملك معاها من ناحية العناية الخاصة بها
هنتكلم ان شاء الله عن اكتر مشاكل بتواجه بشرة وجهك وحلها بوصفات او كريمات ومحاليل مجربة وسهلة التحضير
وتابعى ايضا وصفات تفتيح وترطيب ونضارة البشرة
المشتاقة للكعبة معجبة بهذا.

عرض البوم صور ام سفياان  
قديم(ـة) 03 / 09 / 2011, 12 : 12 PM   #3
 
صورة ام سفياان الرمزية

 
الملف الشخصي:
تاريخ التسجيل: 17 / 10 / 2009
رقم العضوية: 1214
المشاركات: 21,669
التدوينات: 1
آخر تواجد: 27 / 02 / 2014 38 : 08 AM

تقييم العضو:
قوة التقييم: 61

ام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقا


المزاج
أحبكم


الأوسمة

ام سفياان غير متصل
رد: دروس عناية ببشرتك وشعرك من الألف الى الياء

الدرس الثاني

1 -( حبوب الشباب )


اكتر فترة تظهر فيها حبوب الشباب هى فترة المراهقة وممكن تمتد لبعد كده فى العشرينات والثلاثينات من العمر
وهى نتيجة ترسبات دهنية تحت الجلد بسبب زيادة فى افراز الغدد الدهنية بالبشرة
و تسبب حبوب الشباب الأحراج للكثير مننا وتشوه جمال البشرة .. و تحرمنا من وضع الماكياج بحرية
ان شاء الله هقولك على وصفات فعالة للقضاء على حب الشباب علشان تتمتعى بجمال بشرتك



اولا :-اعملى المحلول الأتى وامسحى به مكان حب الشباب مرة يوميا

هنسميه (محلول التنظيف)

( 3 ملاعق من العسل الأبيض - ربع كوب من خل التفاح - 3 ملاعق من الماء )

ذوبيهم مع بعض كويس جدا وضعيهم فى زجاجة بالتلاجه لمدة 3 ايام

رجي الخليط قبل كل استعمال

بللى قطنة من المحلول ومرريها على وجهك ورقبتك

المحلول ده يطهر حب الشباب ويقتل البكتيريا المتسببة فى حدوثه

يستخدم مرة يوميا للقضاء على حب الشباب



نيجى دلوقتى للماسكات اللى بتعالج حب الشباب .. يتم عملها مرة او مرتين بالأسبوع فقط

-- ! ماسكات لعلاج حب الشباب ! --

ماسك العسل والكافور والطماطم

نصف ملعقة من العسل الأبيض
نقطتين من زيت الكافور
نصف ملعقة من عصير الطماطم

الطريقة :
اخلطى المكونات مع بعض - وافرديها على الوجه ماعدا منطقة حول العينين - واتركيها 15 دقيقة - يغسل الوجه بالماء الدافئ ثم بالماء البارد


ماسك الحليب

ربع كوب من الحليب
عصير ليمونة كامله ( حوالى 3 ملاعق من عصير الليمون )
3 ملاعق جلسرين مركز

الطريقة :
تخلط المكونات مع بعض - توضع على الوجه ماعدا منطقة حول العينين - تترك حتى تجف على البشرة - تقشر من على الوجه او تغسل بماء دافئ ثم ماء بارد



وبعد علاج الحبوب الدهنية ( حب الشباب ) من البشرة تقدرى تعملى الماسك ده علشان تتخلصى من الخلايا السطحية

الناشفه والخشنة الموجودة مكان حب الشباب واللى ممكن تسييلك بقع غامقة



*ماسك ازالة اثار حب الشباب

ربع كوب من الشوفان
2 ملعقة صغيرة من بيكربونات الصودا ( مادة مطهرة ومنظفة )
ماء ( ما يلزم لعمل عجينة سميكة )

الطريقة :
يضاف الشوفان مع بيكربونات الصودا - يضاف عليهم الماء بالتدريج حتى تتكون عجينة سميكة يسهل فردها عالوجه - تفرد على الوجه ما عدا منطقة حول العينين - تترك لمدة 20 دقيقة ثم تفرك بلطف وتغسل بالماء الدافئ ثم الماء البارد



وبكده تكونى تخلصتى من حب الشباب نهائيا ان شاء الله .. وبشرتك دلوقتى جاهزة لماسكات التفتيح والترطيب

بكده نكون انتهينا من الدرس الثاني

لاتنسوني من خالص دعواتكم
المشتاقة للكعبة معجبة بهذا.

عرض البوم صور ام سفياان  
قديم(ـة) 03 / 09 / 2011, 13 : 12 PM   #4
 
صورة ام سفياان الرمزية

 
الملف الشخصي:
تاريخ التسجيل: 17 / 10 / 2009
رقم العضوية: 1214
المشاركات: 21,669
التدوينات: 1
آخر تواجد: 27 / 02 / 2014 38 : 08 AM

تقييم العضو:
قوة التقييم: 61

ام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقا


المزاج
أحبكم


الأوسمة

ام سفياان غير متصل
رد: دروس عناية ببشرتك وشعرك من الألف الى الياء

الدرس الثالث

طيب بشرتك دلوقتى خالية تماما من حبوب الشباب او كنتى مش بتعانى منها فى الأصل

و علشان تحافظى على مسام وجهك نظيفة فلا تعطى فرصة لتراكم الدهون والأتربة على وجهك واللى قولنا ممكن تسبب الكتير من المشاكل زى الرؤؤس السوداء و حبوب الشباب
لازم تتخلصى من خلايا الجلد الميتة اول بأول عن طريق ال سكراب
ومش هقولك اجرى على الماركات الموجودة بالصيدليات واللى ممكن تكون اسعارها غالية جدا
لأ الأفضل انك تحضرى ال سكراب بنفسك فى البيت .. منها توفير لفلوسك ومنها انه هيكون طبيعى ومش مضر وتكونى متأكدة ان مافيش فيه اى مادة كيميائية نهائيا

2- (سكراب للبشرة)




-- ! مجموعة سكراب ممتازة ومجربة ! --

*سكراب جوز الهند للبشرة الجافة والعادية

3ملاعق من زيت جوز الهند
ربع ملعقة من الترمس المطحون
6 ملاعق من السكر الأبيض
5 قطرات من زيت الورد

الطريقة:
ضعى زيت جوز الهند فى درجة حرارة الغرفة لتسييله - ضيفى عليه السكر وزيت الورد - يقلب
ولكن لا تذيبى السكر بالزيت فقط تقليب خفيف - ضعى طبقة على الوجه من الخليط ماعدا منطقة حول العينين - افركى الجلد بلطف مع عمل حركات دائرية فى الأتجاه لأعلى - اغسلى وجهك بالماء الدافئ ثم البارد

*سكراب اللوز للبشرة الدهنية والمركبة



2 ملعقة من اللوز المطحون
ربع ملعقة من الترمس المطحون
نصف ملعقة من ملح البحر
نقطتين من زيت اللوز الحلو للبشرة
عصير نصف ليمونة

الطريقة :
تخلط المكونات مع بعض مع التقليب الخفيف حتى لا يذاب الملح بالمكونات - يفرد على الوجه - يفرك من على الجلد بلطف مع عمل حركات دائرية فى الأتجاه لأعلى - اغسلى وجهك بالماء الدافئ ثم البارد


*سكراب الردة (النخالة) لكل انواع البشرة



4 ملاعق من الردة ( النخالة )
بيضة
ملعقة من ماء الورد المركز

الطريقة :
تخلط المكونات كلها مع بعض لعمل عجينة - تفرد على الوجه - يفرك من على الجلد بعد 20 دقيقة على شكل حركات دائرية لأعلى - يغسل الوجه بالماء الدافئ ثم البارد


-(معلومة)-

سكراب البشرة يكرر كل 10 ايام للبشرة الدهنية والمركبة / وكل 15 يوم للبشرة الجافة والعادية



الأن تخلصنا من الجلد الميت المتراكم على البشرة .. وبشرتنا مستعدة لماسكات الترطيب والتفتيح

3- (ترطيب وتغذية البشرة)


قبل ما تقررى عمل ماسكات للترطيب حضرى المحلول الأتى .. هنسميه ( محلول الجمال )

هذه الصورة مصغرة إضغط هنا لعرضها بحجمها الطبيعي .

1 لتر ماء مغلى
ربع ملعقة زيت ورد
10 ملاعق من زهور البابونج

ضعى زهور البابونج و زيت الورد فى اناء - ضعى فوقهم الماء المغلى - وغطى الأناء واتركيه ليبرد - صفى المحلول فى زجاجة وضعيه فى التلاجه لوقت الأستخدام

نيجى لمجموعة الوصفات والماسكات المفيدة فى ترطيب الجلد واعطاءة نضارة


-- ! مجموعة ماسكات الترطيب والتغذية ! --




*ماسك اساسى يومى
يوضع على الوجه والرقبة يوميا لمدة نصف ساعه وهو سهل جدا ومش هياخد وقت .. ولكن نتيجته ممتازة


ملعقة عسل نحل + قطرات من ماء الورد

يمزج مع بعض ويوضع على كل الوجه حتى منطقة حول العينين والرقبة
لأن العسل النحل الخام يحتوى على كولاجين طبيعى بيعوض الكولاجين المفقود من بشرتك .. ولو كانت بشرتك مرهقة من الماكياج او من قلة النوم الماسك ده هيريحك من كل المشاكل دى بإذن الله

*الماسك الأسبوعى

*ماسك قرع العسل للبشرة الجافة والعادية

3 ملاعق من قرع العسل المعلب المهروس
2 ملعقة من عسل النحل
ربع ملعقة من زيت جوز الهند
نصف ملعقة من اللبن

الطريقة :
تخلط المكونات مع بعض - تفرد على الوجه والرقبة - تترك 20 دقيقة - امسحى الخليط بقطنة مبلله بمحلول الجمال فى الأتجاه لأعلى

* ماسك الأفوكادو للبشرة الجافة والعادية

4 ملاعق افوكادو مهروسة
1 ملعقة صغيرة زيت جوز الهند
3 ملاعق عسل نحل

الطريقة :
اخلطى المكونات مع بعض - ضعيها على الوجه والرقبة لمدة 30 دقيقة - امسحى الخليط بقطنة مبلله بمحلول الجمال فى الأتجاه لأعلى

*ماسك الفراولة للبشرة الدهنية والمركبة

10 حبات فراولة مهروسة
1 ملعقة عسل نحل
قطرتين من زيت شجرة الشاى (ممتاز للبشرة الدهنية والمركبة موجود عند بودى شوب)

الطريقة:
تمزج المكونات مع بعض وتفرد على الوجه - تترك 20 دقيقة - يشطف الماسك بالماء الدافئ - ويمسح الوجه بقطنة مبلله بمحلول الجمال مع الأتجاه لأعلى


كده انتيهنا من الدرس الثالث
يارب يكون عجبكم الدرس
وهنكمل ان شاء الله

عرض البوم صور ام سفياان  
قديم(ـة) 03 / 09 / 2011, 14 : 12 PM   #5
 
صورة ام سفياان الرمزية

 
الملف الشخصي:
تاريخ التسجيل: 17 / 10 / 2009
رقم العضوية: 1214
المشاركات: 21,669
التدوينات: 1
آخر تواجد: 27 / 02 / 2014 38 : 08 AM

تقييم العضو:
قوة التقييم: 61

ام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقا


المزاج
أحبكم


الأوسمة

ام سفياان غير متصل
رد: دروس عناية ببشرتك وشعرك من الألف الى الياء

الدرس الرابع

-(تفتيح البشرة)



كلنا نحلم بشرة ناعمة نضرة خالية من البقع البنية الداكنة سواء كانت بقع ناتجة من التعرض للشمس او بقع نتيجة عدم ترطيب البشرة واهمالها وقلة العناية بها
وبالتالى هتتراكم الطبقات الميته لتكون بشرة باهتة غامقة
يصعب تغطية عيوبها بالماكياج
ونظرا لغلو اسعار كريمات التفتيح الموجودة بالمحلات
ان شاء الله هقدم لكم كريم روعة ومجموعة من الماسكات الغير مكلفة تقدرى تعمليها فى البيت ونتيجتها ممتازة

بس قبل ما هكتب الكريم والماسكات لازم اقولكم ان (محلول الجمال ) تقدرى تستخدميه كمان للتفتيح بمسح الوجه به يوميا وياريت يكون 3 مرات فى اليوم
-- ! كريم + ماسكات تفتيح البشرة ! --

* كريم اللوز للتفتيح (مناسب لكل انواع البشرة)

6 ملاعق من دقيق اللوز الناعم (لوز مطحون).. يباع فى السوبر ماركت
عصير ليمونة
2 ملعقة عسل نحل
ربع ملعقة صغيرة من كركم
2 ملعقة ماء ورد
كوب لبن .. لمزج المكونات

الطريقة :
امزجى المكونات مزجا جيدا واثناء التقليب ضيفى اللبن حتى يتكون خليط كريمى
- ضعى الكريم فى عبوة كريم فارغة نظيفة - ويحفظ فى التلاجه
-خدى كمية صغيرة من الكريم وضعيها بالوجه مرة بعد العشاء

- يتم استخدامه خلال اسبوع فقط علشان كده بنصحك بعمل كميات صغيرة تناسب استخدامك خلال 6 او 7 ايام بالكتير




-(معلومة )-
ليه يتم استخدام الكريم ده اثناء الليل فقط ؟؟
لأن الليمون مع الشمس لا يتفقان ابدا فأحسن وقت لكريمات التفتيح هو بعد العشاء وكمان علشان بعد العشاء مش هتعرضى وجهك للماء الا وقت الفجر فالبشرة تستفساد بالكريم اطول وقت ممكن

كمان بالليل واثناء النوم بيمر الجلد بدورة اسمها دورة الأنتعاش (او دورة الأصلاح) فيها تحرر الهرمونات وتنشط الدورة الدموية وتفتح المسام والعملية دى تجعل من السهل على كريمات البشرة الأختراق
داخل البشرة والأستفادة من مفعولها

تظهر نتيجة الكريم خلال 15 يوم بإذن الله من الأستخدام اليومى وهو لا يؤدى لتفتيح البشرة فقط لأ ده كمان يحسن من ملمس وصحة البشرة ويجعلها نضرة ويوحد لونها




* ماسك النشا والكركم


2 ملعقة كبيرة من النشا
ثمن ملعقة من الكركم
ربع ملعقة من عصير الليمون
ملعقتين من اللبن

الطريقة :
-تمزج المكونات مع بعضها مع التقليب الجيد - توضع طبقة رقيقة على الوجه والرقبة ماعدا منطقة حول العينين - يترك لمدة 15 دقيقة ثم يغسل بماء دافئ ثم بارد


* ماسك البرتقال




هذا الماسك يستخدم للأماكن الغامقة بالوجه او بعد التعرض للشمس لفترة طويلة مما يسبب اسمرار ملحوظ بلون البشرة

كوب زبادى
ملعقة نشا
ملعقة من عصير البرتقال

الطريقة :
تمزج المكونات مع بعض - تفرد على كامل الوجه ماعدا منطقة حول العينين - تترك نصف ساعة ثم يغسل الوجه بماء دافئ ثم بارد


* ماسك الشوفان والصندل





ملعقة من الشوفان المطحون
ملعقة من معجون خشب الصندل (ممكن الأستغناء عنه إذا لم يتوفر .. ولكنه يعطى نتيجه ممتازة فى التفتيح والمحافظه على البشرة)
نصف ملعقة من عصير الطماطم (تنظف المسام )
نصف ملعقة من عصير الخيار
ملعقة من عصير الليمون
ملعقة من ماء الورد

الطريقة :
تمزج المكونات مع بعض جيدا - تفرد على الوجه والرقبة ماعدا منطقة حول العينين - يترك حتى يجف تماما - يشطف الوجه بالماء الدافئ ثم البارد


-- لتحضير عجينة خشب الصندل --
100 جرام من بودرة خشب الصندل ( متوفر فى محلات العطارة او البقالة الهندى )
120 جرام من ماء الورد
يخلطوا جيدا لصنع عجينة ناعمة




- (معلومة) -
1. نشفى وجهك جيدا بعد شطفه مباشرة من اى ماسك بفوطة قطنية نظيفة ( التنشيف يكون عن طريق الطبطبة على الوجه بالفوطة ولا تتعاملى بعنف مع البشرة)
لأن ترك الماء على الوجه يسبب الجفاف الشديد للبشرة



يارب يكون عجبكم الدرس
وهنكمل ان شاء الله

عرض البوم صور ام سفياان  
قديم(ـة) 03 / 09 / 2011, 15 : 12 PM   #6
 
صورة ام سفياان الرمزية

 
الملف الشخصي:
تاريخ التسجيل: 17 / 10 / 2009
رقم العضوية: 1214
المشاركات: 21,669
التدوينات: 1
آخر تواجد: 27 / 02 / 2014 38 : 08 AM

تقييم العضو:
قوة التقييم: 61

ام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقا


المزاج
أحبكم


الأوسمة

ام سفياان غير متصل
رد: دروس عناية ببشرتك وشعرك من الألف الى الياء

الدرس الخامس

(القضاء على الرؤؤس السوداء بالأنف )

النقط السوداء على الأنف تسبب الأحراج والأزعاج لأى حد يعانى منها وتعطى انطباع ان البشرة غير صحية وغير نظيفة .. وزى ما وضحت بالأول النقط السواء او الرؤؤس السوداء تكون نتيجة لبشرة دهنية تتراكم عليها الدهون ومع الأتربة وعدم التنظيف فتتكون الرؤؤس السوداء عالأنف

وللتخلص منها يتبع الأتى

-- ! طرق التخلص من النقط السوداء على الأنف ! --

* السكر البنى وعجينة خشب الصندل

- عرضى وجهك للبخار لمدة 5 دقايق
افضل حمام بخار يحضر كالتالى ( لتر ماء + ملعتين من الريحان )
- احضرى ربع ملعقة من السكر البنى +ربع ملعقة من دقيق الذرة + بياض بيضه واحدة لصنع عجينة
وافركى بها النقط السوداء بالأنف بلطف بحركات دائرية
- امسحى اثار الماسك بقطنة مبلله بماء الورد
- تكونى محضرة عجينة مكونه من ( ربع ملعقة بودرة خشب الصندل + ملعقة من عصير الليمون + نص ملعقة من ماء الورد ) لتعقيم وتنظيف المكان
- بعد مسح الأنف بقطنة مبلله بماء الورد يتم وضع عجينة خشب الصندل فوقها مباشرة وتترك 10 دقايق ثم تشطف بماء الورد المثلج فقط

* الأبرة المخصصة لأزالة الرؤؤس السوداء

هذه الصورة مصغرة إضغط هنا لعرضها بحجمها الطبيعي .

وفيها يتم استخدام الأبرة الموجودة بالصورة وهى مخصصة لأزالة الرؤؤس السوداء
- عرضى وجهك لحمام بخار ( ماء + ريحان )
- ابدأى بأستخدام الأبرة عن طريق الضغط على البثور نفسها مع الأتجاه لأسفل
(عند شرائك الأبرة المخصصه عقميها فى كل مرة استخدام عن طريق وضعها فى كحول ايثيلى بتجيبيه من الصيدلية انقعى فيه الأبرة قبل الأستخدم لمدة 5 دقايق )
- كررى العمليه على كامل منطقة الأنف حتى تتخلصى من كل البثور السوداء عليها
- توضع العجينة المحضرة من خشب الصندل السابقة على المكان للتعقيم والتنظيف العميق للمسام ..وتترك 10 دقايق ثم تشطف بماء الورد المثلج فقط


* لاصقات الأنف الجاهزة

افضل لاصقة انف هى من منتجات بيوديرما وهى بالفحم لونها اسود وعند وضعها عالأنف تبللى منطقة النف بالماء ثم تلصقيها بتحسى بسخونة فى منطقة الأنف
وده لتفتيح المسام (بدل حمام البخار) وبعد شوية بتشيلى الاصقه بتشوفى النقط السوداء ازاى طلعت كلها بالاصقه ومنطقة الأنف اصبحت نضيفة وناعمة
-بعدها تقدرى تمسحى بقطنة مبلله بماء الورد المثلج لقبض المسام مباشرة
-ضعى عجينة خشب الصندل السابقة


(( يمكن استخدام محلول التنظيف بعد كل ازالة للرؤس السوداء بالأنف سواء كانت الأزالة بسكراب السكر البنى او الأبرة او اللاصقات وده بعد ازالة عجينة خشب الصندل ))


6 -( القضاء على الهالات السوداء )

الهالات السوداء حول العينين تزيد حوالى 5 او 7 سنوات على عمرك الحقيقى فهى تعطى انطباع بكبر السن وبالتالى فهى تؤثر على نفسية من يعانى منها
ممكن الهالات السوداء تستمر معنا لمدة طويلة نتيجة لمرض مثل نقص فى الفياتمينات وخاصة الحديد بالجسم فى حالة الأنيميا او فقر الدم / وممكن تكون نتيجة للأرهاق الشديد وعدم اخذ قسط كافى من النوم لفترات طويلة / الأرق وارهاق عضلات العين / بعض مكونات الأدوية / التعرض للشمس / التغيرات الهرمونية فى فترة الحيض وفترة الحمل

و أيا كانت الأسباب .. بإذن الله يمكن تقليل الهالات السوداء ومعالجتها وكمان التخلص منها نهائيا

-مبدأيا إذا كان انيميا او فقر دم او نقص فى الحديد روحى للطبيب واعملى تحليل دم وشوفى ايه الفيتامينات اللى ناقصاكى عامة وأبدئى خديها مع اكل الخضار والفواكة الموجود بها العناصر والفيتامينات المفقودة بجسمك
مثلا انا كنت مواظبه على حبوب اسمها فيتازينك (دى تعوض فقد عنصر الزنك بالجسم) واكثرت من اكل سمك البحر لنه غنى بالزنك الطبيعى لاحظت تحسن فى ملمس البشرة والشعر وتقليل الهالات السوداء بطريقة ملحوظه بس كنت باخدها تحت اشراف دكتور يعنى مافيش حد ياخد فيتامينات لحاله كده لازم تحليل ومعرفة ايه العناصر المفقودة بجسمك بالظبط

- إذا كان سبب الهالات هو التعرض للشمس تقدرى ترتدى نظارة شمسية طبية وقت التعرض للشمس
- خدى قسط كافى من النوم وافضل ساعات النوم هى الفترة بعد العشاء وقبل الفجر فيها يتم افراز كل الأنزيمات والهرونات الهامة جدا لجسمنا

كمان فيه شوية وصفات ممتازة لتقليل الهالات السوداء والتخلص منها بفضل الله



-- ! محلول وماسكات للقضاء على الهالات السوداء ! --

حضرى المحلول الأتى والخاص بتقليل الهالات السوداء .. هنسميه ( محلول الهالات )



2 ملعقة من الخيار المقطع - 2 ملعقة من النعناع الأخضر الطازج المقطع + ربع كوب حليب طازج + ربع ملعقة عسل نحل + نقطتين زيت لوز حلو

الطريقة:
يتم وضع الخيار المقطع والنعناع المقطع فى طبق وهرسهم جيدا بظهر ملعقة معدنية حتى يختلطوا جيدا .. هتلاحظى خروج عصارة منهم ضيفى عليهم الحليب الطازج والعسل وزيت اللوز الحلو وامزجيهم جيدا

ضعيهم فى زجاجة ورجيهم جيدا واحفظيهم بالثلاجة لمدة ساعتين ثم يصفى
ويوضع بالتلاجة لمدة ساعة (حتى يبرد تمام ويكون ساقع على العين)
احضرى قطع القطن الدائرية من الصديلية واغمسيهم بالمحلول (خدى كمية تكفى لمرة فى طبق نظيف) وضعيها على العينين وهى مشبعة بالمحلول واسترخى لمدة 10 دقائق .. وبعدين امسحى منطقة العينين بقطنة مبلله بماء دافئ



نيجى بقى للوصفات والماسكات الخاصه بالهالات السوداء

* عجينة جنين القمح والعسل

2 ملعقة من جنين القمح المطحون (بتلاقيه عند العطار)
1 ملعقة صغيرة من عسل النحل
ماء ورد (للمزج)

الطريقة:
تمزج المكونات جيدا لتكون عجينة متوسطه لا سائلة ولا غليظه - توضع على المنطقة حول العينين وتترك لمدة 10 دقائق - تغسل منطقة حول العينين بالماء الدافئ ثم بالماء البارد - وتمسح بقطنة مبلله بماء الورد المثلج

يتم عملها مرتين بالأسبوع


* التدليك اليومى قبل النوم

عن طريق تحضير الخليط الأتى :-
ملعقة من زيت اللوز الحلو - ملعقة من زيت جنين القمح - نقطتين من زيت الورد - 3 كبسولات من قيتامين E
و 3 كبسولات من فيتامين A

الطريقة : يوضع زيت اللوز مع جنين القمح مع زيت الورد ثم تسكب كبسولات الفيامينات ويفرغ ما بداخلها على الزيوت ويمزجوا جيدا وتوضع فى زجاجة صغيرة

ضعيهم حول العينين فى شكل نقط
بعدين استخدمى اصبع البنصر من كل يد لتوزيع الخليط وعمل تدليك خفيف للمنطقه من الخارج الى الداخل على شكل طبطبه مع الضغط الخفيف حتى يمتص الخليط

ايام بسيطه ومش هتشوفى هالات سوداء ان شاء الله




- (معلومة) -
لا تزيدى الكمية المستخدمه فى التدليك لأن ده يزيد من الهالات السوداء فالزيوت (اللوز وجنين القمح )على أد ما انها مهمة فى القضاء على الهالات الا ان كثرتها بتسبب ثقل على الجلد الحساس بمنطقة حول العينين
لذلك استخدمى نقطة او نقطتين فقط من الخليط ووزعيهم جيدا حتى يمتصها الجلد بسهولة




7 -(لرموش طويلة وغزيرة )
- هاتى ماسكرا فاضية واغسليها جيدا وضعى فيها ملعقة عسل نحل وضعى ماء ورد لعمل مزيج سائل ورجيهم جيدا عند كل استخدام وضعى المزيج ده 3 مرات باليوم
- استخدمى نقطه من زيت الخروع لدهان الرموش يوميا قبل النوم


8 -( شفاه ناعمة ووردية )

* سكراب وترطيب و تدليك الشفاه

للتخلص من الجلد الميت الموجود بالشفاه ضعى مسحة من الفازلين الطبى واتركية نصف ساعة وبعدين احضرى فرشاة اسنان ناعمة ونظيفه (خصصيها لتدليك الشفاه فقط) وبللى الفرشاه بماء الورد واعملى تدليك خفيف للشفاه بحركات دائرية - اشطفى المكان ودلكى بالخليط التالى

زيت لوز حلو + زيت ورد بكميات متساوية + نقطتين عسل نحل
يدلك عند وضعه و يترك لمدة ساعة وبعدها يشطف وضعى فازلين

ممكن بدلا من فرشاة الأسنان تستعينى بمنشفة وجه نظيفة


لنتائج افضل اتبعى النصائح الأتية :-
1- شرب الكمية الكافية من الماء مهم جدا لجمال شفتيكى وجمالك عامة
2- احرصى على ترطيب الشفاه كل ساعتين او بعد كل وضوء (بوضع المرطب الخاص بك او طبقة رقيقة من الفازلين)
3- تخلصى يوميا من الجلد الميت المتكون على الشفاه بالطريقة السابقة
4- عند وضع الفازلين على الشفاه يفضل عمل تدليك خفيف اثناء وضعه لمدة 3 دقايق لتنشيط الدورة الدموية
5- يفضل وضع طبقة من مرطب الشفاه الخاص بكى قبل وضع الروج بنصف ساعة
6- تجنبى لعق الشفاه عندما تكون جافة لأن ده يزيد من جفافها وتشققها




9 -( اسنان بيضاء)

يمكنك استخدام مبيضات طبيعية لاسنانك واحصلى على ضحكه صافية وجميلة بأسنان واثقة من بيضاها ونظافتها

* معجون الفراولة والتوت

3 حبات فراولة
3 حبات توت

الطريقة :
اهرسى الفراولة والتوت بالشوكة وبعدين خدى كمية منهم على فرشاة الأسنان ودلكى بيهم اسنانك
المعجون ده بيزيل البقع الداكنة نتيجة شرب القهوة


* معجون المرمية

معلقتين من عسل النحل
حفنة من المرمية (بمقدار قبضة اليد)

الطريقة :
ضعى المكونات فى طبق وقلبيهم جيدا وخدى بفرشاة الأسنان ودلكى بهم الأسنان

* معجون بيكربونات الصودا

ربع ملعقة من الملح
ملعقة من بيكربونات الصودا
ملعقة من النعناع المفروم

الطريقة :
تمزج المكونات جيدا - توضع على الفرشاة وتغسل بها الأسنان جيدا



10 -( ازالة شعر الوجه بطريقة خفيفه )

اغلب البنات مش متعودين يشيلو شعر وجهم بالفتلة وبيكونوا خايفين من نزعه بالفتله او اى طريقة اخرى حتى لا يتحسس الوجه وتظهر حبوب حمراء او التهابات بالبشرة
فيه طريقة كويسه جاد بتنزع شعر الوجه الخفيف ولكن بالتدريج يعنى على مراحل

* عجينة الذرة لنزع شعر الوجه الخفيف بالتدريج

1 بيضه
1 ملعقة كبيرة سكر
نصف ملعقة كبيرة دقيق ذرة

الطريقة :
تعجن المكونات وتوضع على الوجه مع اتجاه الشعر وعندما تجف تقشر لأعلى بعنى فى عكس اتجاه الشعر ..
تكرر 3 مرات فى الأسبوع لغاية ما تتخلصى من شعر الوجه كله


* عجينة الكركم لنزع شعر الوجه الخفيف بالتدريج

3 ملاعق صغيرة من الكركم
1 ملعقة من العسل
حليب لعمل عجينه

الطريقة :
تمنزج المكونات مع بعض لعمل عجينه متماسكه - يتم فرك الوجه بها مباشرة بحركات دائرية لنزع الشعر
تكرر 3 مرات اسبوعيا


وبكده نكون انتهينا من قسم العناية ببشرة الوجه اى سؤال يخص بشرة وجهك انا حاضرة ان شاء الله وبجاوبك
والى اللقاء غدا بإذن الله فى الدرس الثانى (العناية ببشرة الجسم)

المشتاقة للكعبة معجبة بهذا.

عرض البوم صور ام سفياان  
قديم(ـة) 03 / 09 / 2011, 16 : 12 PM   #7
 
صورة ام سفياان الرمزية

 
الملف الشخصي:
تاريخ التسجيل: 17 / 10 / 2009
رقم العضوية: 1214
المشاركات: 21,669
التدوينات: 1
آخر تواجد: 27 / 02 / 2014 38 : 08 AM

تقييم العضو:
قوة التقييم: 61

ام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقا


المزاج
أحبكم


الأوسمة

ام سفياان غير متصل
رد: دروس عناية ببشرتك وشعرك من الألف الى الياء

الدرس السادس

حلو اللون الفوحلقي ده
النهارده ان شاء الله هناخد
((العناية ببشرة الجسم ))

لابد من جعل الأهتمام ببشرة جسمك جزء من روتينك اليومى حتى إذا اخذ هذا الأهتمام جزء

بسيط جدا من يومك .. ولأن قطرة من المياه قادرة على ملئ دلو كامل .. فــ بالمثل

إعطائك جزء بسيط من وقتك لجسمك بإذن الله هيوصلك لنتيجة تبهرك

فى الجزء الخاص بالعناية ببشرة الجسم ان شاء الله هقدم لكم مجموعة من نصائح ووصفات

تهمك

1 -( ازالة شعر الجسم )

لأن البشرة الناعمة ذات الملمس الحريرى الامع علامة من علامات الأنوثة

واول خطوة من خطوات الوصول للنعومة المطلوبة هو الحصول على بشرة من غير ولا شعرة

بعدها تقدرى تطبقى خطوات العناية الشاملة ببشرة جسمك

وتعددت وسائل ازالة الشعر ما بين ( الحلاوة - الشمع - الليزر - الحلاقة - كريم - بودرة لأزالة الشعر )

فكل آمراه تختار الطريقة المناسبة والأسهل بالنسبة لها

ولكن مع اختلاف وسائل ازالة الشعر تبقى الحلاوة هى الوسيلة الأكثر استخدما وطلبا بين كل

الفتيات مع اختلاف اعمارهم والأكثر فاعلية فى ازالة الشعر من الجذور مع نعومة




ملحوظه

للبشرة وازالة تامة للجلد الميت

وهنا هتكلم بأستفاضة عن الشعر الموجود ببشرة الجسم واالمشاكل المرتبطة بأزالة الشعر ومنها .....



-- ! مشكلة النقط السوداء بالرجل ونمو الشعر تحت الجلد ! --

مشكلة النقط السوداء بالرجل

اولا احب اقولكم ان من اسباب التقط السوداء بالرجل ما يلى :-

- قضم الشعرة نتيجة استخدام وسائل ازالة للشعر زى الكريم والبودرة والحلاقة والوسائل دى لا تنزع الشعرة من
الجذور فتبقى زى ما هى بالجلد مسببة نقط سوداء
- حتى عند استخدام الحلاو ة لو استخدمتيها بطريقة غلط بتسبب قضم للشعرة وليس ازالة تامة لها من جذورها
- شطف المكان مباشرة بالماء العادى بعد نزع الشعر بالحلاوة !!

ولحل هذة المشكلة يتبع الأتى :-

- تجنبى تماما الأزالة بالكريم او البودرة او حتى الحلاقة
- الأستخدام الصحيح للحلاوة .. كالأتى ..
. لابد من تعريض المكان للماء الدافئ (مائل للسخونة) لمدة 10 دقايق قبل الأزالة مباشرة حتى تتفتح المسام وتقدرى تشيلى بسهولة
. عند فرد الحلاوة ضعيها مع نفس اتجاه الشعر
. عند نزعها شيليها فى عكس اتجاه الشعر
. لابد من مسح المكان بماء الورد المثلج بعد الأزالة مباشرة وبعد ساعة اشطفى بالماء العادى

مشكلة نمو الشعر تحت الجلد

ودى سببها الأساسى والوحيد هو طبقات الجلد الميت و عدم الترطيب الجيد للبشرة

ازاى ؟؟؟؟

انتى بعد ما تشيلى الشعر من الجذور وبشرتك اصبحت ناعمة وجميله ومافيش فيها اى نقط سوداء لأنك شيلتى بالطريقة الصحيحة للحلاوة بتيجى بعدها تهملى صنفرة وترطيب بشرتك ومرة على مرة تتكون طبقات من الجلد الميتة

بتعمل ايه بقى الطبقات الميتة دى ؟

بتعمل زى طبقة عازلة كاتمة للبشرة والشعرة من طبيعتها وقت نموها تخترق الجلد لتظهر على سطحه الخارجى
(ده لو بشرتك ناعمة ومرطبة)..

طيب لو العكس اللى بيحصل ايه ؟؟

بيحصل ان لما الشعرة تحاول الخروج على السطح الخارجى بتلاقى طبقة جافة من الجلد الميت امامها
صعب اختراقها فتختصر الطريق وتلتوى تحت الطبقة دى وتنمو براحتها تحت الجلد مكونة شكل مزعج جدا

لو انتى عندك فعلا مشكلة نمو الشعر تحت الجلد اتبعى النصائح الأتية :-

. عمل صنفرة للبشرة قبل الأزالة بالحلاوة بيومين
. بعد الصنفرة رطبى بشرتك مرتين او ثلاثة باليوم
. بعد مرور يومين من عمل الصنفرة والترطيب وقبل الأزالة ب 10 دقايق عرضى رجلك للماء الدافئ (مائل للسخونة)
. شيلى الشعر بالحلاوة بالطريقة الصحيحة
. امسحى المكان بماء الورد المثلج حتى تنتهى من تنظيف اثار الحلاوة نهائيا
. لا تشطفى بالماء العادى الا بعد مرور ساعة عالأقل
. رطبى بشرتك يوميا بأى مرطب تختاريه .. بس اهم شئ الترطيب اليومى حتى لو مرة واحدة باليوم
(ممكن قبل النوم مباشرة ضعى المرطب بجانبك حتى لا تهملى ترطيبك اليومى لبشرنك)
وان شاء الله هترتاحى نهائيا من الشعر الموجود تحت الجلد


-- ! ترطيب اساسى بعد الشيل بالحلاوة ! --

* ماء الورد والنشا (بعد الحلاوة مباشرة)

ربع كوب من ماء الورد المثلج + 4 ملاعق كبيرة من النشا

الطريقة :
امزجيهم جيدا وامسحى بهم اثار الحلاوة وضعي المزيج على المكان اللى نزعتى منه الشعر ويعد ساعة اشطفى جسمك بالماء

* المرطب اليومى بعد ازالة الشعر

* زيت جونسون وماء الورد

زجاجة صغيرة من زيت جونسون للاطفال + ربع كوب من ماء الورد + نصف ملعقة من

زيت الورد + نصف ملعقة من زيت اللوز الحلو + نصف ملعقة من زيت الليمون

الطريقة :
ضعى كل المكونات فى بخاخة ورجيهم كويس قبل كل استعمال ورشى كمية بسيطه ودلكى بها جسمك حتى تمتصها البشرة

ملحوظة :

يفضل استخدامه على بشرة نظيفة يعنى بعد الشاور مباشرة استخدمى المرطب اليومى



-(معلومة هامة)-

شطف البشرة بالماء العادى مباشرة بعد الحلاوة يؤدى الى وصول الماء بسهولة تحت الجلد لأن
وقتها تكون المسام مفتوحه .. ووجود الماء داخل المسام المفتوحة لا يجعلها تنقبض بسرعة
وتكون عرضة للأتربة الموجودة بالجو وبالتالى تنقبض المسام بصعوبة او ممكن لا تنقبض ابدا
وتظهر على شكل مسام مفتوحة واسعه ملحوظه بالرجل وتشوه شكلها .. وده طبعا بعد كذا مرة من الشطف بالماء العادى فلابد من استخدام ماء الورد المثلج لتنظيف اثار الحلاوة وبعد ساعة تشطفيها بالماء العادى


لو حابه تستبدلى المرطب اليومى بمرطب جاهز .. فأفضل مرطب استخدمته هو فازلييين اللى بزبدة الكاكاو ودى صورته







2 -( الخطوط البيضاء والحمراء )


تظهر الخطوط البيضاء والحمراء نتيجة التغيرات التى تحدث بأجسامنا مثل الزيادة او النقص السريع
فى الوزن و مع عدم قدرة البشرة على مواكبة هذه التغيرات تظهر الخطوط البيضاء او الحمراء
لأن كل هذه التغيرات تؤدى الى فقدان الجلد لمرونتة وكذلك الكولاجين

ولكن لكل مشكلة حل بإذن الله تعالى
وبقدملكم هنا وصفات سهلة ومجربة لتقليل الخطوط البيضاء والحمراء بالجسم وبالأستمرار بتتخلصى منها ان شاء الله
بس ياريت الصبر يا بنات علشان علاج الجلد يحتاج شوية وقت وخصوصا إذا كان العلاج بخلطات طبيعية

تخيلى كده الشكل النهائى لبشرة جسمك بدون خطوط بيضاء .. ده هيخليكى تستمرى بإذن الله فى العلاج

وللتخلص من الخطوط ده هيحتاج منك الأهتمام اليومى قبل وبعد الشاور وقبل النوم مباشرة ....



* جل الصبار ( قبل الشاور )

ربع كوب من عصارة الصبار
1 ملعقة زيت ليمون
1 ملعقة زيت الجوجوبا

الطريقة :
يمزجوا جيدا حتى يتكون جل خفيف - قبل الأستحمام يوضع الجل على مكان الخطوط - يترك حتى يحف - ثم يفرك بحركات دائرية



* خلطة زيت الذرة للقضاء على الخطوط البيضاء (بعد الشاور مباشرة )



ربع كوب من زيت الذرة (من المعصرة ) .ممتاااااااااااااز فى القضاء على الخطوط البيضاء وعن تجربة
4 ملاعق زيت زيتون
4 ملاعق زيت شجرة الشاى

الطريقة :
تمزج المكونات جيدا وتوضع فى زجاجة وترج قبل الأستعمال - يؤخد شاور يوميا ويدلك بها مكان الخطوط بحركات دائرية لمدة ربع ساعة حتى تمتصها البشرة



* كريم مسائى لعلاج الخطوط البيضاء والحمراء

ربع كوب زبدة الكاكاو
1 ملعقة زيت جنين القمح
1 ملعقة زيت سمسم
2 ملعقة شمع عسل مبشور
نصف ملعقة فانيلية خام (او اى رائحة طبيعية تحبيها)
1 ملعقة فيتامين E
1 ملعقة زيت مشمش


الطريقة :
يوضع شمع العسل فى اناء على نار هادئة حتى يذوب تماما - يضاف اليه كل المكونات ما عدا الفانيليا - عندما تمتزج المكونات مع بعض كلها جيدا يرفع من على النار ويترك دقيقتين ثم تضاف الفانيليا - يصب فى برطمان كريم فارغ نظيف
ويدهن به على مكان الخطوط مرة واحدة يوميا مساءا قبل النوم

يستخدم الكريم لأزالة تشققات البطن بعد الولادة
يستخدم ايضا بعد الرجيم وفقدان الوزن
المشتاقة للكعبة معجبة بهذا.

عرض البوم صور ام سفياان  
قديم(ـة) 03 / 09 / 2011, 17 : 12 PM   #8
 
صورة ام سفياان الرمزية

 
الملف الشخصي:
تاريخ التسجيل: 17 / 10 / 2009
رقم العضوية: 1214
المشاركات: 21,669
التدوينات: 1
آخر تواجد: 27 / 02 / 2014 38 : 08 AM

تقييم العضو:
قوة التقييم: 61

ام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقاام سفياان لها مكانة تُشِعّ بريقا


المزاج
أحبكم


الأوسمة

ام سفياان غير متصل
رد: دروس عناية ببشرتك وشعرك من الألف الى الياء

الدرس السابع
3 -(سكرب (صنفرة) للجسم )



الخلايا الميتة تتكون كل 12 يوم تقريبا على البشرة وإذا تركت بدون ازالة تترك بشرتنا غامقة باهتة لا حيوية فيها ولا نضارة وحتى الأستحمام اليومى العادى لا يخلصنا من تلك الخلايا لذلك لابد من عمل صنفرة لأجسامنا كل 10 او 15 يوم بالكتير

صنفرة الجسم تعمل على :-
- ازالة الخلايا الميتة وبالتالى تفتح البشرة من اول مرة استخدام .. وبأستمرار لون بشرتك هيبهرك بإذن الله
- تنشط الدورة الدموية بالجسم ومنها يكتسب الجسم الحيوية والنضارة
- بعد الصنفرة تحصلى على بشرة ناعمة طرية ولينة جدا
-تترك مسام البشرة نظيفة ومهيأة لكل قطرة مرطب وبالتالى يستفاد منه الجسم وتنعمى وقتها ببشرة زى الحرير

دلوقتى وبعد ما عرفنا بعض فوائد سكرب الجسم ..

فيه واحدة تقدر تستغنى عنه ؟ او تشيلة من جدولها الخاص بالعناية ببشرة جسمها ؟

اكيد الأجابة لألألألألألألأ
طيب تمام

بكتبلكم ان شاء الله النهاردة مجموعة من وصفات الصنفرة (سكراب) تقدروا تحضروها بنفسكم فى البيت
وسكراب خاص بالخطوط البيضاء يعنى بجانب المعالجة اليومية للخطوط البيضاء اللى كلمتكم عنها فى المشاركة
السابقة هتستخدمى السكراب ده كل 10 او 15 يوم (خاص للخطوط البيضاء) .. هو ملائم لكل الجسم لكن نتيجة
لبعض مكوناته فهو مناسب لمن تعانى من مشكلة الخطوط البيضاء

-- ! مجموعة سكراب مجربة للجسم ! --

* سكرب العسل واللوز

6 ملاعق كبيرة لوز مطحون (دقيق اللوز)
2 ملعقة دقيق ابيض
2 ملعقة عسل نحل (عسل ابيض)
6 ملعقة حليب (لبن سائل)

الطريقة :
يوضع اللوز المطحون فى الخلاط وتضاف اليه كل المكونات حتى تمتزج جيدا مع بعض مكونة عجينة -يفرك بها الجسم


طريقة تطبيق السكرب عالجسم هقولكم عليها بالتفصيل

* سكرب الشوفان والعسل

نص كوب من الشوفان
1 ملعقة كبيرة عسل نحل (عسل ابيض)
2 ملعقة لوز مطحون
1 ملعقة كبيرة خل التفاح

الطريقة:
وقت الأستخدام اصنعى عجينة من المكونات - يفرك بها الجسم

* سكرب المشمش

1 ملعقة زيت سمسم
1 ملعقة شمع النحل المبشور
1 ملعقة زيت خروع
2 ملعقة لوز مطحون
ربع ملعقة ملح البحر (من اى سوبرماركت)
2 ملعقة من شامبو جونسون

الطريقة :
يوضع شمع النحل فى اناء به ماء على نار هادية حتى يذوب تماما - يضاف زيت المشمش وزيت الخروع
ويقلب الخليط حتى يمتزج جيدا - ارفعى الخليط من على النار - يضاف اللوز المطحون وملح البحر وشامبو جونسون

* سكرب الشوفان والنعناع


2 كوب شوفان
2 ملعقة نعناع مجفف
2 ملعقة لافندر مجفف (من العطار)
2 ملعقة روزمارى
2 كوب طين ابيض (ممكن استبداله بحنة بيضاء)
1 كوب لوز مطحون

الطريقة :
توضع كل المكونات فى المطحنة وتطحن جيدا حتى تمتزج كلها مع بعض مكونة مسحوق ناعم
وقت الأستخدام تؤخذ كميه حسب استخدامك ويوضع عليها ماء لصنع عجينة ويفرك بها الجسم


* سكرب زيت الزيتون والبن


5 ملاعق من زيت الزيتون
1 كوب بن مطحون طحن خشن
4 ملاعق سكر ابيض

الطريقة :
وقت الأستخدام تمزج المكونات مع بعض و تؤخذ كميه حسب استخدامك


*سكراب السكر والبن مناسب لمشكلة الخطوط البيضاء

1-(المكونات الجافة )



10 ملاعق كبيرة سكر بنى مطحون ( طحن خشن )
10 ملاعق كبيرة سكر ابيض مطحون ( طحن خشن )
6 ملاعق كبيرة بن مطحون ( طحن خشن )
3 ملاعق كبيرة دقيق ذرة
1 ملعقة صغيرة فانيليا خام

توضع المكونات الجافة مع بعض وتقلب جيدا وتعبأ فى برطمان

2- (المكونات السايلة)


4 ملاعق صغيرة عسل نحل (العسل الأبيض)
4 ملاعق صغيرة زيت جوجوبا
2 ملعقة صغيرة زيت لوز حلو
4 ملاعق صغيرة من فيتامين E

توضع المكونات السايلة كلها مع بعض فى زجاجة وترج جيدا

الطريقة :
وقت الأستخدام خدى ما يناسبك من المكونات الجافة فى طبق وضيفى اليها ما يناسب من المكونات السايله حتى تصنعى عجينة ويفرك بها الجسم

-- الطريقة الصحيحة لأستخدام سكرب الجسم --



- يفضل آخذ شاور بماء دافئ حتى تتفتح المسام قبل كل سكرب ويستفاد الجسم من المكونات الموجودة به
وتتخلص المسام من الأتربة والدهون الموجودة بها
- بعد الشاور وعند تطبيق السكرب على الجسم تؤخذ كمية منه فى راحة اليد ويوضع عليها قطرات من الماء الدافئ ويدلك بها الجسم مباشرة بحركات دائرية مع الأتجاه لأعلى حتى تنشط الدورة الدموية
- بعد الأنتهاء من عمل سكرب لكامل الجسم اشطفى جسمك جيدا وخدى شاور خفيف
-رطبى جسمك بالمرطب

نصائح
-للتخلص من النقط السوداء الموجودة بالمؤخرة يمكن استخدام اى نوع من انواع السكرب السابقة بنفس الطريقة الصحيحة لأستخدام السكرب
-عند استخدام السكرب لمنطقة الأبط وبين الفخدين والمنطقة الحساسة .. يفرك برفق وفى حركات دائرية
وبأستخدام الأصبعين (الوسطى والسبابة فقط وليس كامل اليد )




4- ( مشكلة السيلوليت )


السيلوليت هو مزيج من الدهون والمياه والسموم الموجودة بالجسم لذلك يطلق عليه السمنه المائية والمزيج ده يتخزن

تحت الجلد بعد فشل جسمنا فى التخلص منه .. وهى السبب فى تحول الشكل ليشبه قشرة البرتقالة .. وتتركز الدهون

المائية فى الفخذين والأرداف وعند بعض النساء فى الذراع و الظهر

و الى الأن لا توجد وصفة تخلصنا نهائيا من السيلوليت لكن فيه وصفة مجربة ولها تأثير قوى بفضل الله فى تقليل

السيلوليت نقدر نقول 70% منه كمان تمنع تكونه فيما بعد بإذن الله

الوصفة لازم لها خطوات علشان تجيب نتيجه فعالة

* خلطة العرعر لتقليل السيلوليت وعدم تراكمة مرة اخرى

1 كوب من زيت العرعر (من عند العطار ولازم يكون اصلى علشان يجيب نتيجه فعالة)
5 ملاعق كبيرة من زيت النعناع
5 ملاعق من زيت الروزمارى ( إكليل الجبل )
4 ملاعق من الروزمارى المطحون

طريقة التحضير:
توضع الزيوت مع بعضها فى زجاجه ويضاف اليها الروزمارى المطحون وينقع فيها ويكون جاهز الخليط للأستخدام
بعد 5 ساعات

طريقة الأستخدام :
-خدى حمام ماء ساخن حتى تتفتح المسام
-تدهن خلطة العرعر على مكان السيلوليت وتدلك جيدا لتنشيط الدورة الدموية
-ارتدى شورت قطن (إذا كنتى عايزة تعالجى السيلوليت فى الأفخاذ والمؤخرة)
-ارتدى فوق الشورت القطن شورت حرارى الخاص بالسونا (او اى شورت كاتم للحرارة مثلا شورت مصنوع
من مادة لا يوجد بها مسام مثل النايلون الثقيل او الفيبر)
او ممكن تلفى المكان بكيس نايلون ثقيل او تستخدمى شورت الكورسيه
المقصود هو كتم المكان جيدا حتى تعرقى بسهولة وتؤثر المكونات على السيلوليت
- اعملى حركة بالمنزل لمدة ساعةاى نوع من الحركة تحتاج مشى وبذل مجهود متوسط .. ممكن كمان تعملى جرى بالمكان
- بعد الساعة خدى شاور عادى

تكرر مرتين بالأسبوع

الوصفة دى مجربة ومضمونة بفضل الله .. فعلا تقلل من السيلوليت وتخلصك كمان من الدهون الزائدة ..

يعنى لو حابة تخسى من منطقة الفخوذ والمؤخرة اتبعى نفس الطريقة

(( عايزة تنحفى خصرك وبطنك ))

-ضعى خلطة العرعر على منطقة الخصر والبطن ودلكيها كويس
-لفى قطعة من القماش القطن على بطنك وخصرك وارتدى فوقها كيس نايلون ثقيل لفيه كويس وثبتيه او لو عندك حزام مصنوع من الفيبر او المطاط
- اعملى تمارين للبطن وتمارين للوسط ( تويست ) لمدة ربع ساعة .. وكملى الساعة فى اى حركة تعمليها بالمنزل
- خدى شاور بعد كل مرة

فى حوالى شهر واسبوع النتيجة ظهرت من غير اى كريمات مكلفة ومن غير حتى نظام رجيم قاسى

معلومة مهمة

لمعرفة زيت العرعر الأصلى عند شمه هتلاقى رائحته نفاذة جداااا مثل النعناع ولكن اقوى 100 مرة منه .. الغير اصلى بتكون ريحتة عادية غير نفاذة
المشتاقة للكعبة معجبة بهذا.

عرض البوم صور ام سفياان  
قديم(ـة) 03 / 09 / 2011, 37 : 12 PM   #9
 
صورة ღ نينا ღ الرمزية

مـراقـبـة عـامـة
 
الملف الشخصي:
تاريخ التسجيل: 06 / 04 / 2009
رقم العضوية: 566
البلد: KSA
المشاركات: 10,315
التدوينات: 2
آخر تواجد: 23 / 01 / 2013 07 : 06 AM

تقييم العضو:
قوة التقييم: 61

ღ نينا ღ لها مكانة تُشِعّ بريقاღ نينا ღ لها مكانة تُشِعّ بريقاღ نينا ღ لها مكانة تُشِعّ بريقاღ نينا ღ لها مكانة تُشِعّ بريقاღ نينا ღ لها مكانة تُشِعّ بريقاღ نينا ღ لها مكانة تُشِعّ بريقاღ نينا ღ لها مكانة تُشِعّ بريقاღ نينا ღ لها مكانة تُشِعّ بريقاღ نينا ღ لها مكانة تُشِعّ بريقاღ نينا ღ لها مكانة تُشِعّ بريقاღ نينا ღ لها مكانة تُشِعّ بريقا


المزاج
أحبكم

ღ نينا ღ غير متصل
رد: دروس عناية ببشرتك وشعرك من الألف الى الياء

معلومات رائعه

الله يعطيك العافية

عرض البوم صور ღ نينا ღ  
قديم(ـة) 03 / 09 / 2011, 55 : 12 PM   #10
 
صورة رسولي قدوتي الرمزية

اللهم اجعل همي هم الأخره
 
الملف الشخصي:
تاريخ التسجيل: 03 / 09 / 2010
رقم العضوية: 2903
البلد: الكويت
المشاركات: 34,221
آخر تواجد: 24 / 08 / 2013 22 : 09 PM

تقييم العضو:
قوة التقييم: 411

رسولي قدوتي لها مكانة تُشِعّ بريقارسولي قدوتي لها مكانة تُشِعّ بريقارسولي قدوتي لها مكانة تُشِعّ بريقارسولي قدوتي لها مكانة تُشِعّ بريقارسولي قدوتي لها مكانة تُشِعّ بريقارسولي قدوتي لها مكانة تُشِعّ بريقارسولي قدوتي لها مكانة تُشِعّ بريقارسولي قدوتي لها مكانة تُشِعّ بريقارسولي قدوتي لها مكانة تُشِعّ بريقارسولي قدوتي لها مكانة تُشِعّ بريقارسولي قدوتي لها مكانة تُشِعّ بريقا

رسولي قدوتي غير متصل
رد: دروس عناية ببشرتك وشعرك من الألف الى الياء

شامل ...بارك الله فيك

عرض البوم صور رسولي قدوتي  

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


المواضيع المنشورة تعبر عن رأي أصحابها.
جميع الحقوق محفوظة لـ منتديات مسلمة النسائية © 1429 هـ - 1435 هـ
الساعة الآن +3: 9:51 صباحاً السبت. 19 جمادى الآخرة, 1435 هـ - 19 أبريل/نيسان, 2014 م.


[ مركز مسلمة للتحميل ] [ تكرات مسلمة ] [ مركز مسلمة للإبتسامات والصور ] [ مفاتيح عربية ]
Feeds:XMLJSRSS
SitemapArchive