إسفنجة إسبونيش . أو رولة إسبونيش . أو رولة جينز ( بتعطى أشكال مرسومة على الرولة)
أوفوطة قطن مثل فوط التنظيف للسيارة والمطبخ .أو أفرخ ورق بلاستيك .أو مشط الأسبونيش
( بيعمل تجازيع وخطوط ) أو فوطة الأسبونيش ( من نوع من الجلد المرن) أو الأطار الداخلى
لكاوتش الدراجة .
فرشة دهان مبططة ( مشط) + رولة دهان .+ حوض للرولة+ سطل أو دلو يعنى لوضع الدهان به
طريقة العمل :
سهلة قوى . بعد معجنة الحوائط ودهانها بوش بوية بطانة .بنحدد اللونين اللى هنشتغل بيهم
لون ندهنه عادى على الحائط واللون الآخر بشكل من الأشكال التالية فى الصور الآتية:
ده بقى يا حجنا قطعة بلاستيك كورناها مع الحفاظ على التعرجات وخطوط النكسارات
فيها عشان تعطينا الشكل الذى تراه بالصورة حين ندق بها على الدهان وهوا على الحائط .
نفس الفكرة . وبالورق .
ده بقى المشط يا عم الحج. أنا شخصيا ما أحبوهوش . شكله مش عاطفى . إلا فى حالة
تقليد سمارة الخشب . بيبقى مفيد فى تقليد التجازيع الطبيعية للخشب.
وش بطانة للحائط .
بنخلط البوية .وعندنا فى مصر بنسمى البوية الخاصة للأسبونش أو الأسبانيش ( جليز)
هنا بتغمس الرولة فى الدهان وبعدين نمشيها على الحوض عشان يصفى منها الدهان الزيادة .
بندهن بيها الحائط باللون المطلوب . وتلاحظ هنا أنه لاصق شريط على كونيشة السقف عشان ما يتوسخش.
خد بالك يا حجنا . شوفت بيعمل ايه؟
بفرد فرخ البلاستيك على الحائط . ...طيب وبعدين ؟؟؟؟؟؟؟؟؟؟؟؟؟
هوا ده بقى بعدين . بيدق بالمشط على البلاستيك عشا ن التعاريج والأنكسارات والكرمش يعملوا تآثيرات جميلة .
بيتزعه بالراحة خالص وشوف أنت بقى الفرق.والتأثير اللى حصل .
ملحوظة : العدد الآن 10 صور المسموح بها عندكم
ودى أول طريقة . تكملة الموضوع أسفل ( طريقة الفوطة+ طريقة الأسفنجة.)
وبيكرر العملية فى جزء آخر من الحائط أو يلصق فرخ بلاستيك آخر وهاكذا حتى يكتمل الحائط
الحجرة بعد تشطيبها . شووووووووووووف بقى الجمال .
طريقة الفوطة :
البطانة
بينزل الفوطة فى الدهان وهوا طالع بيعصرها وفى ذات الوقت بيبرم الفوطة يعنى بيلفها على بعضها طوليا.
بينزل بيها على الحائط وهوا بيبرمها على خفيف عشان ما تنفك منه وتغير الشكل .
وهنا الحجرة دى خلصناها كمان . شوف الجمال والشياكة.
طريقة الأسفنجة :
خطوات العمل كالطرقتين السابقتين بالضبط .
بيدهن الأسفنجة باللون المطلوب...............وبعدين يا عمنا ؟؟؟؟؟؟؟؟؟؟؟
بيدق بيها على الحائط دقات منتظمة حتى يكون فى توازن وإنتظام فى التآثير على الحائط
مفهوم الكلام طبعا ..
الحجرة بعد تشطيبها ......................... يا سلااااااااااااااااااااااام على الجمال
تعتيق الجدران
رد: تعتيق الجدران
(( إستمعي الى القرآن الكريم لأكثر من قارئ )) 
 </font>.gif)
